Konfindustria

Konfindustria, mbeshtet plotesisht vendimin e fundit te paralajmeruar te ekzekutivit shqiptar per heqjen e TVSH/Tatimit Vleres se Shtuar per nje liste te zgjeruar te makinerive dhe pajisjeve per sektorin bujqesor dhe agroindustrial. Vazhdimi i masave te ekzekutivit per heqjen e TVSH per investimet deri ne 50 milion leke dhe se fundmi per sektorin bujqesor eshte veprim i mirepritur ne kohen kur pasojat e krizes globale po ndihen me ashpersine me te madhe, qe nga viti 2008 ne ekonomine shqiptare. Pagesa e TVSH per makineri dhe pajisje ishte kthyer ne nje barre te rende per ekonomine prodhuese vendore duke bllokuar investimet ne proces, ulur fuqine investuese te re dhe sidomos duke ulur konkurueshmerine ne vendit ne raport me vendet e tjera te rajonit persa i perket terheqjes se investimeve te huaja. Pagesa paraprake e TVSH ne masen 20% te vleftes se plote te fatures ishte nje nga shkaqet kryesore per renien e ndjeshme te importit te zerit te makinerive dhe pajisjeve ne menyre te perseritur ne vitet e fundit. Konfindustria vlereson, se ne kushtet e gjendjes me te veshtire per ekonomine shqiptare, qe nga fillimi i krizes globale ne vitin 2008, heqjes e TVSH per investimet deri ne 50 milion leke dhe se fundi heqja e plote per nje liste te zgjeruar te makinerive dhe pajisjeve bujqesore eshte nje mjet i forte nxites per terheqjen ne vend te investimeve te huaja, sidomos nga emigrantet. Keta te fundit nuk zoterojne sasi te medha kapitali vetjak, por jane ne numer te madh dhe ne teresi mund te perbejne nje fluks te rendesishem investimesh. Ne shumice emigrantet sidomos ata te ardhur nga Greqia jane te prirur te investojne kryesisht si biznese te vegjel ne sherbime dhe sidomos ne bujqesi, qe eshte sektor deri me sot pothuajse i perjashtuar krejtesisht nga politikat e kreditimit te bankave dhe njekohesisht paraqet mjaft mundesi zhvillimi me vlere per ekonomine ne teresi dhe mireqenien e qytetareve shqiptare.