Konfindustria

Konfindustria, duke u mbeshtetur ne shqetesimet e shumta dhe te vazhdueshme te ardhura prane saj nga industrite, do ti kerkoj zyrtarisht ekzekutivit shqiptar, qe ne nje kohe sa me te shpejte te liberalizoje sherbimin e kontrollit teknik te automjeteve, qe sot ndodhet ne pozita te pastra monopoli privat. Konfindustria i kerkon gjithashtu edhe Autoritetit te Konkurrences te vleresoj me seriozitet rastin ne fjale pare nga kendveshtrimi i mbrojtjes se interesit publik. Monopoli i sotem i sherbimit te kontrollit teknik ka rezultuar ne nje kosto shtese financiare krejtesisht te papranueshme mbi bizneset ne pergjithesi dhe sidomos mbi industrite prodhuese, qe zoterojne, per arsye te shperndarjes se prodhimit dhe furnizimit me lende te para dhe ndihmese, numer te madh automjetesh. Kostot vjetore shtese, qe arrijne ne miliona e miliona euro, shprehen ne vlera financiare te drejtperdrejta dhe te kostos kohore si pasoje e diteve te humbura te punes per kryerjen e sherbimit vjetor te kontrollit teknik. Gjithashtu modeli i sotem i kryerjes se sherbimit te kontrollit teknik te automjeteve eshte shqetesues dhe me kosto te papranueshme edhe per qindra mije qytetare shqiptare, qe zoterojne automjete. Konfindustria vlereson, se eshte e domosdoshme qe te riorganizohet teresisht sistemi i sherbimit te kontrollit teknik te automjeteve sipas modeleve te vendeve te zhvilluara te BE, qe ne thelbin e tyre mbeshteten te liberalizimi i plote i tregut per nje numer te pakufizuar operatoresh te kualifikuar. Jane te gjitha mundesite, qe duke shfrytezuar detyrimin ligjor per kontrollin teknik te automjeteve dhe qytetareve, te licensohen nje numer mjaft i madh pikash te rregullimit te automjeteve, qe do te krijonte nje treg te qendrueshem ne afatgjate si edhe te formalizuar njekohesisht. Liberalizimi i kontrollit teknik nepermjet licensimit te nje numri te madh pikash te rregullimit te automjeteve do te perbente pervec menjanimit te kostove financiare te panevojshme edhe nje lehtesim te madh kohor per biznesin dhe qytetaret shqiptare si edhe do te krijonte kushtet per rritjen e pergjegjesise per sigurine rrugore dhe mbrojtjen e mjedisit.