Konfindustria mbeshtet vendimin e marre se fundmi nga Ministria e Financave per ndalimin e pikave te karburanteve per te kryer furnizimin ne menyre manuale te automjeteve.Vendimi ne fjale eshte i nevojshem dhe i vonuar ne perpjekjet per formalizimin e tregut te karburanteve, rritjen e te ardhurave ne buxhetin e shtetit,luftes kunder  konkurences se pandershme dhe njekohesisht zvogelimit te mundesive per korrupsion dhe subjektivizem te agjencive shteterore pergjegjese te fushes.

Madhesia e tregut te karburanteve ne shitjet me pakice perben mbi 10 % te PPB te vendit me nje qarkullim vjetor mbi 1 miliard euro dhe jep kontribut te konsiderueshem ne ne buxhetin e shtetit. Mbeshtetur ne vleresimet e vazhdueshme krahesuese  cmimet e karburanteve ne Shqiperi jane me te lartat ne rajon. Shqetesim I vazhdueshem paraqet cilesia e dobet e karburanteve, qe qarkullojne ne tregun shqiptar, me pasoja te renda per biznesin, qytetaret, mjedisin, shendetin dhe vete buxhetin e shtetit, ne vlera te pergjithshme prej qindra milion euro/vit. Gjithashtu, abuzime te ndjeshme vihet re edhe ne volumet e karburanteve te shitura per konsumatoret.

Konfindustria ka shprehur shqetesimin e saj te vazhdueshem se cmimi I larte, cilesia e dobet dhe abuzimet ne volumet e shitura jane nje nga shkaqet e uljes se konkurueshmerise se ekonomise shqiptare ne prodhimet dhe sherbimet vendore  si edhe ne terheqjen e investimeve te huaja krahesimisht vende te tjera te Rajonit.