Konfindustria mirëpret pranimin nga ana e
Kryeministrit z. Edi Rama të kërkesës të saj për rikthimin në normalitet të ekonomisë, shumicës së kategorive të bizneseve
dhe lëvizjes së qytetarëve në gjithë hapsirën gjeografike të vendit, duke shënuar
praktikisht nga 1 qershori 2020 fundin e masave kundër Covid 19. Vendimi në
fjalë është i mirëpritur, por mjaft i vonuar në kohë, duke shkaktuar rritje të
paarsyeshme të dëmeve ekonomike dhe financiare plotësisht të shmangshme.
Konfindustria vlerëson, se masat shtrënguese
jopërpjestimore me shkallën e rrezikut real shëndetësor në vend dhe sidomos vonesat
e paarsyetuara të kalimit në normalitet, kanë shkaktuar rritjen e paarsyetuar të
faturës financiare në dëm të bizneseve, qytetarëve dhe ekonomisë kombëtare në
afatgjatë. Sipas vlerësimeve krahësimore me vende të tjera të Rajonit,
keqmenaxhimi i krizës ka prodhuar një dëm financiar në të paktën 350 milion $ të
llogaritur vetëm për muajt mars-prill 2020. Në vlerën e mësipërme nuk janë
llogaritur dëmet financiare të shkaktuara nga vonesat e kalimit në normalitet në
muajin maj në vazhdim.
Konfindustria ka vlerësuar, se fatura
financiare e krizës Covid për ekonominë formale në muajt mars prill është mbi
1.2 miliard $ dhe ekonominë reale mbi 2 miliard $.
|