Konfindustria
vlerëson, se pasojat e një rikthimi të mundshëm, qoftë edhe pjesor, të
kufizimeve në kuadër të masave kundër Covid 19 do të ishin shkatërrimtare për
ekonominë kombëtare. Konfindustria kërkon nga Kuvendi i Shqipërisë, dhënien
fund të gjëndjes së jashtëzakonshme në
fuqi deri në 23 qershor 2020, pothuaj 4 muaj nga fillimi i krizës së pandemisë.
Shqipëria duhet të ndjeki pa kthim pas modelet e hapjes së ekonomisë dhe lëvizjes
së qytetarëve të zbatuara nga gjithë vendet e Rajonit dhe BE.
Konfindustria
vëren me shqetësim, se pikërisht përafrimi i përfundimit në 23 qershor 2020 të
afatit të dytë kohor të gjëndjes së jashtëzakonshme për shkak të Covid 19, po përkon
me shtim të raportimit të prekurve nga institucionet shëndetësore. Njëkohësisht,
nuk kanë munguar në vazhdimësi zëra të rëndësishëm nga vendimarrja politike që
dëshirojnë për rikthim të masave kufizuese të biznesit dhe lëvizjes qytetarëve.
Fatura
financiare e deritashme, që ekonomia shqiptare është e detyruar të paguajë si
pasojë e masave kundër Covid 19, është tepër e rëndë. Sipas analizave të
Konfindustrisë, vetëm në muajt mars dhe prill të vitit në vazhdim, dëmet
ekonomisë reale përllogariten në mbi 2 miliard $. Fatura financiare e dëmeve është
shtuar ndjeshëm me disa qindra milionë $ edhe në muajin maj 2020.
Konfindustria
vlerëson, se menaxhimi i krizës shëndetësore nga Shqipëria kundër Covid 19 në tërësi
ka qene jo profesional, me masa dukshëm jopërpjestimore kundrejt rrezikut të ulët
shëndetësor, me pasojë prodhimin e faturës së rëndë financiare. Një përsëritje
e mënyrës së mësipërme të menaxhimit të krizës kundër Covid 19 do të kishte
pasoja të pallogaritshme të rënda për ekonominë, biznesin, qytetarët, duke
rrezikuar deri në qëndrueshmërinë sociale në vend.
|