Konfindustria shpreh shqetësimin për rritjen e ndjeshme të deficitit
të parashikuar në PB/projektbuxhetin 2021, duke krijuar dukshëm një buxhet me
natyrë të qartë zgjedhore.
Borxhi i ri i parashikuar në projektbuxhetin e paraqitur nga qeveria
është në nivelet e 580 milion euro, që përbën 4.2% të të ardhurave të pritshme
në vitin financiar 2021.
Konfindustria vlerëson, se rritja e ndjeshme e të ardhurave të
parashikuara në buxhetin e vitit 2021 është mjaft më optimist, sesa mundësitë
reale të ekonomisë shqiptare. Ekonomia shqiptare në vitin financiar në vazhdim,
prekur rëndë nga pasojat e tërmetit të nëntorit 2019 dhe masat kundër Covid 19,
parashikohet nga vlerësimet e
institucioneve ndërkombëtare të ketë një rënie nga 6-9% të PPB krahësimsht
vitit pararendës, duke e patur praktikisht të pamundur realizimin e të
ardhurave të parashikuara në PB 2021.
Borxhi publik i Shqipërisë pranuar nga qeveria ka kapur nivelin e 80%
të PPB dhe nëse do të vlerësohen të gjitha detyrimet reale si detyrimet e PPP, të
TVSH , të tretëve dhe penalitetet e Gjykatave Ndërkombëtare, etj. deri në fund
të vitit 2020 me shumë mundësi tejkalon nivelin 100% të PPB.
|