Konfindustria vlerëson si një cast historik
të shumë pritur për sigurinë energjitike, ekonominë kombëtare dhe rritjen e rëndësisë strategjike
të Shqipërisë, mbarimin e investimit prej
mbi 40 miliard $ dhe fillimin e punës së gazsjellësit TAP/Trans Adriatic
Pipeline. Investimet e TAP prej disa vitesh rresht kanë zënë peshën kryesore të investimeve të huaja në Shqipëri.
Gazsjellësi TAP do të jetë nga rrjetet më të rëndësishme të furnizimit energjitik
të shteteve të BE për disa dhjetëvjecarë dhe Shqipëria bëhet për herë të parë pjesë e rëndësishme e korridoreve dhe
rrjeteve strategjike ndërkombëtare. Shqipëria ka të gjitha mundësitë të shërbejë
si pikë qëndrore edhe në projekte të rëndësishme
për furnizimin me gaz të Kosovës,
Kroacisë, etj.
Konfindustria vlerëson, se përfitimet
ekonomike të vendit nga prania e gazit
natyror nuk duhet të kufizohen vetëm në të
ardhurat nga tranziti, por para së gjithash
nga përdorimi i tij si lëndë e parë energjitike me cmim të ulët për industrinë,
bizneset dhe qytetarët. Sigurimi i gazit natyror në sasi dhe me cmim të ulët bën të mundur lindjen
e një numri të madh biznesesh të reja, rritjen e konkurueshmërisë së prodhimeve dhe shërbimeve vendore, përmirësimin
e mjedisit dhe tërheqjen e investimeve të huaja, krijimin e vendeve të punës, etj.. Shqipëria ka ndër kostot më të larta
të karburantit dhe energjisë elektrike në Europë dhe Rajon.
Konfindustria vlerëson, se fatkeqësisht Shqipëria
është e papërgatitur për të përfituar shpejt
nga prania e gazit natyror me cmim të ulët
dhe sasi të siguruar nga TAP. Sot mungon krejtësisht infrastruktura e
domosdoshme për përdorimin dhe shfrytëzimin e gazit natyror në ekonominë kombëtare.
|