Konfindustria i kërkon ekzekutivit, që thelbi
i aktit normativ për fiskalizimin të jetë shtyrja në kohë e zbatimit të procesit
në tërësi dhe jo thjesht parashikimi i faljes së gjobave për periudhën 6 mujore
korrik-dhjetor 2021. Gjithashtu, dalja e aktit normativ të paprecedentë deri
sot për të falur gjoba të pritshme, është treguesi më i qartë i mungesës së
profesionalizimit në përgatitje dhe dështimit të paralajmëruar të procesit të fiskalizimit
të rradhës.
Konfindustria vlerëson, se falja e gjobave
jo vetëm nuk ka asnjë vlerë për arritjen e qëllimit të procesit të rradhës të fiskalizimit,
por rrezikon të shtojë informalitetin, konkurencën e padrejtë, korrupsionin, rënien
e të ardhurave buxhetore, duke shtuar kaosin në sistem dhe dëmtuar në afatgjatë
ekonominë kombëtare me përfitues vetëm një grup biznesesh zbatues të licencuar
të teknologjisë.
Shqipëria si asnjë vend tjetër në rajon dhe BE ka eksperimentuar shumë herë në
një kohë të shkurtër ndryshimet ligjore
të sistemeve të fiskut. Për të shmangur dështimin e rradhës kërkohet shtyrja
në kohë e zbatimit, qartësimi i plotë problematikave dhe vetë arsyetimi
i qartë në shifra financiare i nevojës dhe përfitimeve të kryerjes së
fiskalizimit 2021. Në cdo rast zbatimi i proceseve strategjike fiskale të
ngjashme në vendet e zhvilluara të BE
kërkojnë shumë më tepër kohë.
|