Konfindustria mbështet vendimin e Gjykatës së
Lartë lidhur me hapjen e rrugës për fiskalizimin e tregut të karburanteve.
Vendimi i Gjykatës së Lartë, pas apelimit të ekzekutivit, vlerësohet si një nga
shembujt e pakët të deritashëm, që shkon në përputhje me interesin publik në një
nga sektorët më të rëndësishëm të ekonomisë kombëtare, që përbën rreth 10% të
PPB me qarkullim mbi 1.5 miliard $/vit. Në sektorin e karburanteve në Shqipëri
ka evazion fiskal, që krahësimisht shteteve të rajonit, vlerësohet, se mund të
shkojë në mbi 200 milion$/vit, përvec vjedhjeve me volumet e shitura dhe cilësinë
jashtë standarteve.
Konfindustria vlerëson, se pavarësisht përpjekjes
së ekzekutivit për të zgjidhur rastin e sipërpërmendur, është pikërisht qeveria
shqiptare, që e ka krijuar me vendim të saj ligjor një monopol, qartësisht në
kundërshtim me interesin publik. Në kë këtë kuptim, kërkohet që qeveria të
nxjerri përgjegjësit përfaqësues të saj në kabinetin qeveritar, që bënë të
mundur dhënien e monopolit të fiskalizimit të sektorit të karburanteve një
kompanie private në kushte të përplasjes së interesit dhe jashtë cdo shembulli
të ngjashëm ndërkombëtar të shteteve demokratike.
Krijimi dhe dhënia e një monopoli privat, duke
zhveshur shtetin nga përgjegjësitë publike dhe për më shumë pa garë të hapur, është
shprehje e qartë e paaftësisë, subjektivitetit dhe korrupsionit qeveritar. Për
më shumë, vendimi në fjalë ka shtyrë procesin e fiskalizimit të tregut të
karburanteve me afër 2.5 vjet dhe me pasoja prej dhjetra milion dollarë humbje
në buxhetin e shtetit. Gjthashtu, shteti shqiptar rrezikon qartësisht të penalizohet
me dhjetra milionë dollarë në rastin e rradhës të paditjes së mundshme nga
kompania private në gjykatat ndërkombëtare.
Konfindustria vlerëson, se koncesionet e dhëna
privatëve në sektorin e karburanteve duhet të zhbëhen dhe ti rikthehen për tu
ushtruar agjencive publike. Veprimi i mësipërm duhet të fillojë nga
koncesionet, që janë në fund të kontratës, sikurse është p.sh koncensioni i
markimit të karburanteve. Krijimi i koncesioneve të paarsyetuara është një nga
arsye e rëndimit të cmimit fundor të karburanteve.
Shqipëria ka cmimet krahësuese të karburanteve
nga më të shtrenjtat në shkallë botërore. Kosto financiare për qytetarët,
bizneset, buxhetin e shtetit dhe ekonominë kombëtare shtohen më shumë edhe nga
abuzimet me cilësinë, volumet e shitura dhe shmangiet financiare të sektorit të karburanteve. Nëse, do të shtohen edhe
pasojat mjedisore dhe shëndetësore të ardhura nga cilësia e karburanteve jashtë
standartit, që tregëtohen në vend, pasojat janë edhe më të rënda.