Konfindustria kërkon nga ekzekutivi ndërtimin
e një pakete masash ligjore për zbutjen e pasojave në ekonominë shqiptare të krizës
botërore të shkaktuar nga epidemia e koronavirusit. Disa nga vëndet kryesore partnere
tregtare si Italia, Kina, etj. janë prekur ashpër dhe pasojat negative kanë
filluar të ndjehen dhe parashikohet të jenë edhe më të rënda për ekonominë
shqiptare.
Konfindustria vlerëson, se masa më e rëndësishme
e mundshme në kushtet e mësipërme është ulja e cmimeve të karburanteve. Cmimi i
karburanteve në tregjet botërore ka rënë me mbi 12% brenda javës, por nuk është
pasqyruar në tregun vendor. Cmimet e karburantit (naftë dhe benzinë) në Shqipëri
janë afërsisht 18-30% më të shtrenjta se në shtetet fqinje Kosovë, Maqedoni,
etj. dhe janë ndër më të lartat në Europë. Cilësia e karburanteve është në
shumicë dërrmuese tërësisht jashtë standarteve minimale. Tregu i karburanteve në
Shqipëri nuk është konkurencial dhe nuk pasqyron rënien e cmimeve në bursat botërore.
Ndëkohë, që rritjen e cmimeve në tregjet botërore e pasqyron menjëherë. Autoritetet
shtetërore janë treguar krejësisht të paafta
të rregullojnë deri më tash problematikat e rënda të mënyrës së organizimit dhe
operimit të tregut të karburanteve në vend. Tregu i karburanteve është më i
madhi në vend me mbi 1,2 miliard euro/vit, duke dhënë mbi 10% të PPB.
Konfindustria vlerëson, se nëse nuk merren
masat e uljes së domosdoshme dhe të menjëhershme të cmimit të karburanteve ekonomia
dhe bizneset do të goditen ashpër nga përballja vetëm me pasojat financiare dhe
tregtare të krizës botërore të epidemisë së koronavirusit. Prodhimet dhe
industritë shqiptare do të goditen në mënyrë të shumëfishtë, kostot do të
rriten, shkalla e konkurencës në tregje do të ulet më tej dhe shtohet ndjeshëm
rreziku i uljes së prodhimit dhe falimentimeve.
Konfindustria vlerëson, se në kushtet e
zhvillimeve të fundit të krizës botërore, krahas ekzekutivit është e domodoshme
ndërhyrja edhe e Autoritetit të Konkurencës për të filluar hetim për mënyrën e
organizimit, funksionimit dhe rregullimit te tregut të karburanteve në vend.
|