Konfindustria vlerëson, se vazhdimësia e
cmimeve mjaft të larta absolute dhe krahësimore në nivel rajonal, europian dhe
botëror të karburanteve, përbëjnë një nga shkaqet kryesore të fuqisë së ulët
konkuruese të ekonomisë shqiptare. Konfindustria thekson, se përmirësimi
rrënjësor i funksionimit të tregut të karburanteve, do të jetë ndër kërkesat
kryesore të saj ndaj partive politike në zgjedhjet e afërme të vitit 2021.
Sipas analizës krahësimore të kryer nga
Qëndra e Studimeve të Konfindustrisë, cmimet e karburanteve në Shqipëri për 9 mujorin e vitit 2020 rradhiten
ndër më të lartat në Europë, duke tejkaluar ndjeshëm edhe vende të pasura si
Gjermania, Austria, Zvicra, etj. Gjithashtu, në nivel rajoni cmimet e
karburanteve në tregun shqiptar janë afër 50% më të shtrenjta sesa shtete
fqinje si Maqedonia, Kosova, etj.,. Nëse, krahësimi do të bëhet sipas
vlerësimit të treguesit PPP/Poëer Purchasing Parity, Shqipëria rradhitet ndër
vendet me cmimet më të larta të karburantit në nivel botëror. Shqetësues është fakti,
që ndërkohë që në tregjet europiane të shitjeve me pakicë të karburanteve në 9
mujorin e parë të 2020, rënia e cmimeve botërore të karburanteve u pasqyrua në
nivelet e 45-80% në tregun shqiptar ishte vetëm në 13-18%. Standarte tepër të
ulta të cilësisë së karburanteve në qarkullim në Shqipëri, thellojnë edhe shumë
më tepër problematikat e mësipërme.
Konfindustria vlerëson, se cmimet e larta
të karburanteve dhe cilësia e dobët e tyre, rrezikojnë drejtpërdrejt
falimentimin e bizneseve prodhuese dhe të shërbimeve shqiptare, tërheqjen e
investimeve të huaja dhe të vendit, rritjen e papunësisë, prekin rëndë
mirëqënien e qytetarëve, duke goditur ashpër zhvillimin ekonomik në afatgjatë
të vendit të prekur rëndë edhe nga pasojat e pandemisë Covid 19.
|