Konfindustria vlerëson, se pothuaj të
gjithë nga 7500 bizneset e parashikuara për të dalë në treg të liberalizuar nga
1/1/2022 do të kërkojnë sërish të furnizohen nga operatori publik OSHEE grup.
Bizneset rrezikojnë të përballen me rritje të menjëhershme dhe të lartë të
cmimit, që mund të arrijë deri në 2 herë të vlerave të tashme në kushtet e
krizës globale. Pasojat do të ishin të rënda në rritjen e kostove të prodhimit
të bizneseve, uljen e fuqisë konkuruese, mirëqënien e qytetarëve dhe zhvillimin
e ekonomisë kombëtare.
Sondazhi është kryer nga Qëndra e Studimeve
të Konfindustrisë me grupin e afër 7500 bizneseve, që furnizohen në linjat e
tensionit 20, 10 dhe 6 KV. Bizneset e mësipërme janë të parashikuara për tu
furnizuar me energji elektrike me cmime tregu nga 1 janari 2022. Deri më sot,
bizneset në fjalë janë furnizuar me cmime të palëvizshme në bazë vjetore të
përcaktuara nga ERE/Enti Rregullator i Energjisë.
Konfindustria do të kërkojë nga ERE, që në
përcaktimin e metodologjisë së përllogaritjes së cmimeve të mos jetë kriter i
vetëm referenca e Bursës së Hungarisë, por të merret parasysh edhe prodhimi
vendor. Prodhimi vendor i energjise elektrike është me kosto shumë më të ulët
sesa cmmet e bursave ndërkombëtare.
|