Konfindustria

Konfindustria njofton, se ne nje takim te posacem paraqiti ne forme pakete permbledhese Parimet Mbeshtetese dhe Skemen Financiare te Faljes Fiskale te kerkuar prej saj per tu kryer ne Shqiperi. Takimi u zhvillua ne seline se Konfindustrise dhe morren pjese perfaqesues te Ministrise se Financave, Ministrise se Ekonomise dhe Drejtorise se Pergjithshme te Tatimeve, deputete te Partise Demokratike dhe te Partise Socialiste, Prokuroria e Pergjithshme, te ftuar nga bota akademike dhe universitare, profesioniste te fushes fiskale dhe ligjit, etj. Takimi u zhvillua pa pranine e medias.

Z. Gjergj Buxhuku, Administratori i Pergjithshem i Konfindustrise paraqiti ne menyre te permbledhur Paketen me Parimet Mbeshtetese dhe Skema Financiare te zbatimit te Faljes Fiskale. Ne fjalen e tij sqaroi, se pergatitja e Paketes per Faljen Fiskale u krye nga Konfindustria gjate nje kohe pune prej 3 muajsh duke u mbeshtetur njekohesisht ne mendimet e perfaqesuesve te rendesishem te industrive shqiptare, bashkepunuar me institucionet partnere ne Itali, pervojen e vendeve te tjera, mendimin akademik te disa specialisteve te njohur nderkombetare si dhe ballafaqimin me kushtet e tashme te Shqiperise. Nga te pranishmit u pranua se Falja Fiskale ne Shqiperi eshte e nevojshme per tu kryer dhe njekohesisht duhet te pershkohet nga - “parimi i moralitetit” i paraqitur nga Konfindustria. Kjo do te thote, se duhet te perjashtohen nga Falja Fiskale: -perfaqesuesit e sistemit te drejtesise (gjyqtare dhe prokurore) dhe individet drejtues te institucioneve kushtetuese, qe kane qendruar ne detyre te pakten per 6 muaj. Gjithashtu, parim tjeter i rendesishem i paraqitur ishte, se procesi duhet te jete i “fundem” si dhe duhet te shoqerohet me - shtrengim te ligjeve per ndeshkimin e subjekteve dhe individeve, qe nuk do te perfitojne nga falja fiskale. Nderkohe u pranua rendesia e vene nga Konfindustria, se detyrimisht me “Faljen Fiskale” u duhet dhene mundesia ligjore dhe teknike qytetareve shqiptare per te kryer -“vetdeklarimin” e te ardhurave personale, perndryshe rrezikohet procesi ne afatgjate. Parim tjeter i rendesishem ne zbatimin me sukses procesit eshte parashikimi me ligj i kushtit te mbajtjes se - fshehtesise se plote te te dhenave personale per individet dhe subjektet e perfshira. Konfindustria, paraqiti ne takim propozimet e saj per zbatimin e parimit te - “konkurueshmerise” me vendet e tjera te rajonit, qe kane kryer dhe po pergatiten per te kryer Falje Fiskale. Ne kete kuptim eshte parashikuar, qe te kerkohet zbatimi i - “gjobes se njejte” prej 3%, 5% dhe 8% varesisht shpejtesise se perfshirjes ne procesin e faljes fiskale. Viti i zbatimit eshte kerkuar te jete jo me i shkurter se 1 vit kalendarik dhe i ndare ne 3 “hapesira kohore”, qe do te percaktojne dhe masen e penalitetit te paraqitur me siper. Konfindustria se shpejti do te dergoje zyrtarisht prane ekzekutivit dhe vendimarrjes politike Paketen per Parimet Mbeshtetese dhe Skemen Financiare te Faljes Fiskale.