Konfindustria

Konfindustria, duke marr shkak nga lajmet e fundit shqetesuese per shenjat e para te tronditjes se sistemit bankar ne Greqi si pasoje e terheqjeve masive te depozitave nga qytetaret dhe biznesi, kerkon sensibilizimin e emigranteve shqiptare, qe te vleresojne sa me shpejt mundesine e zhvendosjes se kapitaleve te tyre nga sistemi grek per ne sistemin bankar shqiptar, qe ndodhet ne gjendje mjaft me te mire financiare. Duhet patur parasysh, se pavaresisht se nje pjese e sistemit bankar shqiptar eshte ne pronesi te bankave “meme” ne Greqi, mbeshtetur ne ligjet ne fuqi ne Republiken e Shqiperise, lejohet kalimi jashte vendit vetem te dividentit te krijuar. Kjo do te thote, se sistemi bankar shqiptar perfshi edhe bankat me kapital grek eshte krejtesisht i mbrojtur nga goditjet nga jashte si dhe nga gjendja e veshtire e sistemit bankar grek. Emigrantet shqiptare kane te gjitha mundesite, qe kapitalet dhe njohurite e perfituara ti perdorin me efektivitet ne atdheun e tyre ku nevojat jane te medha. Permendim, se vetem defiçiti tregtar i Shqiperise ne sektorin bujqesor dhe agroushqimor, ku nje pjese mjaft e madhe e emigranteve shqiptare punojne ne Greqi, eshte mbi 500 milion euro/vit, duke krijuar kushte mjaft te mira per investime. Gjithashtu, duke marr shkak nga perballja e mundshme e ekonomise se Shqiperise me pasojat e krizes se rende ekonomike dhe financiare ne Greqi, i kerkon institucioneve shteterore te ndalin sa me shpejt dhe me çdo kusht daljen e paligjshme jashte vendit te kapitaleve financiare shqiptare. Konfindustria mendon, se nese ndermerren nje sere veprimesh institucionale dhe ligjore, eshte plotesisht e mundur, qe ekonomia shqiptare jo vetem te mos preket rende nga kriza ne Greqi, por edhe te perfitoj ndjeshem ne afatgjate ne te mire te zhvillimit te qendrueshem te vendit dhe mireqenies se qytetareve shqiptare.