Konfindustria

Konfindustria, mbeshtetur ne ankesat ne shtim nga bizneset, shpreh shqetesimin e thelle per dukurine teresisht te papranueshme dhe shkaterruese ne afatgjate per ekonomine e vendit, se ekziston dyshimi, qe perfaqesues te sistemit te drejtesise dhe sidomos te gjyqesorit me vendimet e tyre jo profesionale dhe/ose subjektive po cenojne rende barazine ne treg te bizneseve, duke u perdorur si mjet ne duart e njeres pale per te demtuar konkurrentet e tyre ne treg. Dukuria e mesiperme eshte me e pranishme ne institucionet e drejtesise se rretheve kryesore te vendit ku Tirana ze numrin kryesor. Konfindustria ne bashkepunim me institucione te specializuara nderkombetare te fushes eshte duke pergatitur nje plan veprimi per vezhgimin dhe vleresimin profesional te respektimit te proçedurave dhe standarteve ligjore nga vendimet e gjykatave dhe prokurorise per konkurrueshmerine e bizneseve. Te dhenat e grumbulluara shoqeruar me arsyetimet profesionale perkatese per çdo rast te vendimeve dhe veprimeve te perfaqesuesve te sistemit te drejtesise, qe do te gjykohen se jane ne shkelje te ligjit, do te percillen per vleresim prane institucioneve shteterore si Presidenti i Republikes, Keshilli i Larte i Drejtesise, Ministria e Drejtesise, etj. si edhe perpara opinionit publik. Ne te gjitha rastet dokumentacioni do te shoqerohet se bashku me faturen financiare perkatese te demit te shkaktuar bizneseve. Konfindustria duke gjykuar, se rregulli themelor i funksionimit te tregut te lire eshte pikerisht barazia e bizneseve ne treg dhe shkalla me e larte e mundshme e konkurueshmerise, eshte mjaft e interesuar per te luftuar me te gjitha mjetet demokratike per qellimet e pershkruara me siper. Nje sistem gjyqesor i korruptuar dhe jo profesional, qe nuk jep drejtesi, por behet pale per te luftuar konkurencen ndermjet subjekteve ne treg jo vetem godet me pasoja te pallogaritshme biznesin dhe efektivitetin e ekonomise kombetare ne afatgjate, por njekohesisht ne thelbin e tij eshte varroses i vete shtetit demokratik.