Konfindustria

Sot u zhvillua paraqitja zyrtare e programit te mbeshtetjes se bashkepunimit ekonomik dhe tregtar te vendeve te Korridorit 8 (Itali, Shqiperi, Maqedoni) AMICO. Te pranishem ne takimin ishin: Ambasadori i Italise ne Shqiperi Saba D’Elia, Drejtoresha e Divizionit VII ne Ministrine e Zhvillimit Ekonomik te Italise Znj. Maria Concetta Pansini; Z. Leonard Beqiri Zv.Ministri i METE, Administratori i i Fiera del Levante Servizi dhe menaxheri i projektit AMICO Z. Massimo Lupis. Moderator i konferences per shtyp ishte Administratori i pergjithshem i Alb-Konfindustria Z. Gjergj Buxhuku. Programi AMICO eshte pjese e rendesishme e lobingut strategjik te Qeverise se Italise ne bashkepunim me qeverite e vendeve perfituese te rajonit te Ballkanit Perendimor per perafrimin ne kohe te sigurimit te financimeve te ndertimit te Korridorit 8 nga Bashkimi Europian, ne raport me projektet e tjera konkurente ne rajonin e Europes Juglindore. Permendim se Korridori 8 para disa vitesh me vendim te Komisionit te BE ishte parashikuar te financohet pas vitit 2020, vendim i marre ne favor te projekteve konkurente, kryesisht te projekteve, qe kalonin nga territori i Greqise. Programi per perafrimin e ndertimit te Korridorit 8 mbeshtetet drejtperdrejt nga Ministria e Zhvillimit Ekonomik te Italise. Zbatues te programit ne Itali dhe Shqiperi jane perkatesisht Fiera del Levante/Itali dhe Alb-Konfindustria/Shqiperi. Ne fjalen e tij Ambasadori i i Italise ne Shqiperi Saba D’Elia theksoi se projekti AMICO paraqet rendesi te veçante per nxitjen, zhvillimin dhe bashkepunimin ekonomik te Italise, Shqiperise dhe Maqedonise duke qene te hapur dhe per vendet e tjera te rajonit, qe pershkohen nga Korridori 8. Politika e Italise do te vazhdoj te japi rendesine e duhur bashkepunimit te vendeve te mesiperme me projekte te prekshme, sikunder projekti Amico, qe qendrojne ne lidhjet e drejtperdrejta ndermjet bizneseve te vendeve partnere, duke lene ne pararoje pikerisht institucionet e rajoneve kufitare italiane sikunder eshte Fiera del Levante dhe rajoni i Puglia-s. Drejtoresha e Divizionit VII ne Ministrine e Zhvillimit Ekonomik te Italise Znj. Maria Concetta Pansini paraqiti qellimin strategjik te Italise per bashkepunimin ekonomik te vendeve, qe perfshihen ne projekt duke theksuar se Italia eshte e gatshme te perfshij ne projektet e zhvillimit te gjitha vendet e Ballkanit perfshi edhe Kosoven duke ju pergjigjur keshtu dhe kerkesave te institucioneve shteterore si dhe perfaqesuesve te medias per perfshirjen edhe te Kosoves ne Projektin AMICO dhe ne projekte te tjera te ngjashme. Zv ministri i METE Z. Leonard Beqiri beri nje permbledhje te shkurter te gjithe projekteve te Shqiperise te parashikuara si pjese te Koridorit 8 ne sektore si energjitika, linjat nderkombetare te furnizimit me gaz, nafte, etj. per te cilat portet dhe territori shqiptar paraqitet dhe mund te sherbej si pike fillestare-fundore. Rendesia strategjike e Korridorit 8 shprehet qarte edhe ne faktin se vetem nga transporti i mallrave perfitohet nje ulje kostosh e pergjithshme prej me shume se 1 miliard euro. Zv. Ministri Beqiri kerkoi pales italiane perfshirjen e Kosoves ne projektet e zhvillimit te vendeve qe konsiderohen se do te pershkohen nga Korridori 8, duke e arsyetuar me faktin se tashme investimet ne infrastrukturen rrugore, portuale, dhe energjetike praktikisht po lidhin qarte tregjet e Shqiperise dhe Kosoves. Z. Massimo Lupis, perfaqesuesi i Fiera del Levante dhe menaxheri i projektit AMICO paraqiti menyren teknike te funksionimit te projektit per lidhjen dhe bashkepunimin ndermjet bizneseve te Italise, Shqiperise dhe Maqedonise. Teknikat qe do te perdoren do te perqendrohen ne dhenien e mbeshtetjes dhe shkembimit te drejtperdrejte te informacionit per bizneset e vendeve te siperpermendura nepermjet sporteleve te perhershme qe do te funksionojne prane Fiera del Levante ne Itali, Alb Konfindustria ne Shqiperi dhe Dhomes se Tregtise ne Maqedoni. Gjithashtu do te perdoren dhe shkembimi elektronik i te dhenave per krijimin partneriteti ndermjet bizneseve te vendeve perfituese nga projekti AMICO. Perfaqesuesit e Ministrise se Puneve Publike dhe Transportit te Shqiperise paraqiten ne takim disa probleme te sektorit te transporteve si pasoje e disa taksave shtese per lejet e udhetimeve, qe rendojne kostot dhe pengojne levizjen e mallrave ndermjet Shqiperise, Italise dhe vendeve te tjera te BE. Te pranishmit u pergjigjen pyetjeve te perfaqesuesve te medias per te gjitha çeshtjet, qe lidhen me nxitjen e bashkepunimit tregtar ndermjet Italise, Shqiperise dhe Maqedonise si pjese e rendesishme dhe vazhdim i perpjekjeve te Qeverise se Italise per miratimin nga Bashkimi Europian te financimeve te nevojshme per ndertimin e Korridorit 8 si veper infrastrukturore te permasave gjeostrategjike me vlera te jashtezakonshme ekonomike afatgjate per vendet perfituese. Projekti eshte parashikuar te zgjasi deri ne vitin 2011.