Konfindustria

Konfindustria, duke marre shkak nga problematika e rende e menyres se funksionimit te tregut strategjik te karburanteve dhe pasojat e tij mbi gjithe zhvillimin ekonomik, konkurueshmerine e industrise vendore dhe mireqenien e qytetareve shqiptare, i rikerkon Qeverise dhe gjithe vendimarrjes politike te vendit per te vleresuar seriozisht dhe ne kohe sa me te shpejte ngritjen dhe funksionimin e Entit Rregullator te Karburanteve. Tregu i karburanteve ne Shqiperi eshte tregu me i madh ne vend me nje qarkullim vjetor 900 milione -1 miliard $/vit ose 9-10% te PPB te vendit si dhe me ndikim te fuqishem ne qendrueshmerine dhe zhvillimin ekonomik teresor. Ne kushte te tilla eshte plotesisht e arsyeshme te ngrihet dhe te funksionoje Enti Rregullator i Karburanteve sikurse ndodh me tregje me te vegjel si psh -tregu i telekomunikacionit, -furnizimit me uje dhe - energjise elektrike. Pervoja e vendeve te ngjashme sikurse eshte psh Maqedonia mbeshtet kerkesen per ngritjen e Entiti Rregullator te Karburanteve. Per me shume mungesa e plote e operatoreve publike ne tregun e karburanteve e ben domosdoshmeri vezhgimin e tregut nga institucione shteterore. Duke pranuar ndikimin dhe varesine relative nga tregjet nderkombetare persa i perket çmimit, Konfindustria kerkon, qe te vazhdoje me rreptesi marrja e masave edhe ne “cilesine” dhe mashtrimet ne “volumet” e shitura klienteve fundore te karburanteve te tregtuar ne vend. Cilesia jashte standartit e karburanteve dhe mashtrimet ne volume percohet drejtperdrejt ne rritjen e “fshehur” te çmimit te karburanteve, qe qarkullojne ne tregun shqiptar dhe qe i shtohet çmimit te deklaruar, duke demtuar rende interesat e biznesit dhe qytetareve shqiptare.