English   |   Kontakt
 
 
 
Konfindustria propozim Kuvend për karburantet. Paketa fiskale 2027
Konfindustria paraqiti zyrtarisht në Komisionin e Veprimtarive Prodhuese në Kuvendin e Shqipërisë propozimin, që projekt Paketa Fiskale 2027duhet të përmirësohet domosdoshmërisht dhe qeveria duhet të garantojë me masa institucionale rregullatore interesin publik.
Lidhur me ndryshimet fiskale për karburantet dhe mjetet motorrike propozimet e Konfindustrisë janë si më poshtë:
1-    Heqja e ‘Taksës së Qarkullimit” prej 27 lekë/litër plus TVSH të përcillet e plotë në çmimin fundor për konsumatorët dhe të mos përfundojë si “superfitim” për tregëtarët dhe të ardhura “shtesë” për buxhetin e shtetit.
 
2-    Çmimet fundore të karburanteve në Shqipëri të garantohet të mos jenë më të larta se mesatarja e shteteve fqinje të Rajonit ( Maqedoni e Veriut, Kosovë, Mal i Zi)
 
3-    Vlera e plotë e “Taksës vjetore për automjetet” të mos jetë më e lartë se mesatarja e shteve fqinjë të Rajonit (Maqedoni e Veriut, Mal i Zi dhe Kosovë”
 
Konfindustria shprehu në Komision shqetësimin e bazuar për rrezikun e rritjes së fortë të mëtejshme të kostove të përgjithshme të transportit për qytetarët dhe bizneset deri në të paktën 200 milion euro nga zbatimi i projektit të Paketës Fiskale 2027 të paraqitur nga qeveria. Konfindustria vlerëson, se mungesa e konkurencës në tregun kartel dhe oligopol të karburanteve rrezikon seriozisht, që heqja e “taksës së qarkullimit” prej 27 lekë/litër të mos përcillet e plotë në çmimin e blerjes për konsumatorët fundorë, por të përfundojë drejtëpërdrejtë në “fitim shtesë” për tregëtarët dhe të ardhura shtesë për buxhetin e shtetit dhe goditje e rëndë për interesin publik. Taksa e qarkullimit në regjimin e sotëm fiskal sjell afër 230-240 milion euro/vit për buxhetin e shtetit dhe parashikohet të zëvendësohet e plotë dhe të paguhet e 2-fishtë nga rritja e taksave vjetor të mjeteve motorrike për qytetarët dhe bizneset në kushtet e mos garantimit ligjor të uljes së çmimit fundor të karburanteve Konfindustria vlerëson, se në rast të mos marrjes parasysh të propozimit të mësipërm pasojat e rritjes së metejshme të kostove të përgjithshme të transportit do të jenë mjaft të rënda për uljen e konkurueshmërisë së ekonomisë shqiptare, industritë, prodhimin vendor, tërheqjen e investimeve, falimentime dhe goditje e ashpër për mirëqënien e qytetarëve shqiptarë. Sa më sipër mund të rrezikojë drejtëpërdrejtë në vitin 2027 e në vazhdim përveç treguesve kryesorë ekonomikë edhe qëndrueshmërinë shoqërore dhe rendin kushtetues.
 
 

Nisma

+ Data 2024-08-11
Konfindustria në bashkëpunim me qeverinë shqiptare dhe partnerët e saj ndërkombëtarë do të paraqesë nismën për " Planin e Veprimeve për përshtatjen e ekonomisë shqiptare me paketën e direktivave të BE për ...
[Me shume]
+ Data 2022-05-25
Konfindustria (www.konfindustria.al) in cooperation with the National Environment Agency and the National Agency of Natural Resources will organize the first International Expo Forum " Albanian Oil & Gas Industry versus Environmental Standards. Challenges
[Me shume]

Njoftime

+ Data 2024-08-11
Konfindustria ishte pjesëmarrëse në Forumin e vendeve të Mesdheut për sigurimin e " Zinxhirëve të Qëndrueshëm të Furnizimit" të organizuar nga Unioni për Mesdheun, BE, GIS. Kajro, Egjypt, 9-10 Korrik 2024.
+ Data 2021-05-22
http://arka.com.al/ Creating unique and sustainable spaces for extraordinary life experience
+ Data 2021-02-04
PËRSE SHQIPËRIA DUHET TË HEQË DORË NGA HIDROENERGJIA DHE TË RUAJË LUMIN E FUNDIT ME RRJEDHJE TË LIRË NË EVROPË/ /https://cf.iisd.net/savi/story/perse-shqiperia-duhet-te-heqe-dore-nga-hidroenergjia-dhe-te-ruaje-lumin-e-fundit-me-rrjedhje-te-lire
 
Tregu i Ideve
Miq, ju ftojme ne bashkebisedim! Tema e dites:  Si e vleresoni nismen e BE per Krijimin e Tregut te Perbashket Rajonal te vendeve te Ballkanit Perendimor. Tregu Rajonal perballe Tregut Kombetar Shqiperi-Kosove. Dergoni mendimet tuaja ne [email protected]  
Login
© 2007 - 2026 Konfindustria. te gjitha te drejtat e rezervuara